9 Nov, 2019 沒有你在身邊的第十四日

今日一起身,叻左無喊,但坐坐下又喊過,之後執起晒你既食物,同衫,同被出嚟,只係忍心比左幾條新毛巾,二件全新未著過既衫捐出去,其實太多你既野我唔想咁快送比人,但仲有袋,仲有車,仲有好多好多都唔可以咁快比人,邊執都無大問題,執好之後就捐去SAA,捐完再去食野,之後又行去yoho再行番去平時同你walk既地方,最後行到公園,我決定坐定定出post,主要係唔想大家都再擔心我,但真係好傷心,每打一個字對我嚟講都好難,因為我無方法唔想起你,打一篇野,用左成包紙巾,終於都寫左,之後喊完又起身,準備去食野,買滋潤飲品,我記得要好好對自己,買完再去食野,點知食物未到之前又上左你既fb到望下,點知見到大家留言又忍唔住爆喊,邊食邊喊,又用左一包紙巾,食完喊飽就番屋企,再同朋友講聲你走左,當然邊講邊喊,同樣亦有朋友pm我,話知你走左好傷心好難過,我地傾完一輪我終於要休息了。