7 OCT, 2013 分享玩具

 

19:00遊花園, 家下大小姐一收工, 番屋企煮落飯, 都會帶我落街行,

愛上行天橋, 自己一落街就自動波上天橋行,

唔算太多人行之外, 唔屎行出馬路, 安全安全.

 

同平時一樣, 行左去公園仔, 見到有位小朋友,

佢媽媽話佢好怕狗狗, 當然我地一開始既時候,

保持住好大好大段既距離,

 

點知佢見我玩得好開心, 慢慢行埋來同我玩,

hehe, 仲借左單車比我坐.

 

 

我算係坐得好定呀. 睇下有車坐幾開心.

 

呢位哥哥真係勁呀, 落公園都自備玩具,

我見到佢有波玩, 我唔客氣呀.

冇睇個波咁大, 我一樣玩到好開心好盡慶.

 

成場飛來飛去. 睇唔睇到我玩到幾開心,

 

又玩左成9個字, 今次真係唔捨得走啦.

 

講左咁耐, 點都要同番哥哥影張合照既,

好多謝哥哥借出佢既玩具比我玩之外, 仲同我玩,

後尾講講下我地一樣住起同一座大廈,

下次一齊再玩過.